Uong ken Paria iti Panawen ti Pandemia

UONG KEN PARIA ITI PANAWEN TI PANDEMIA. Iti panawen ti angol wenno pandemia, agtultuloy met ti panaglakolako dagitoy nga Aeta kadagiti apitda ken kadagiti nateng a masarimutmotda iti kabakiran. Nakapuestoda iti igid ti kalsada nasional iti Allacapan, Cagayan nga asideg iti komunidadda. Mabiit a maibus dagiti tagilakoda nga uong-bunton, uong-mannagadu, kolat, rangaw ti atap a paria, rangaw ti ariwat, sabunganay wenno susop, papait, saluyot, utong, ken dadduma pay, ta kaykayat a dagasen a gatangen dagiti aglabas a biahero ken motorista ta malaksid a presko ken organiko dagitoy, nalaka pay. Agkalaokan la unay ti atap nga uong ken atap a paria, nga isu ti katarayan kadagiti lakoda. (ROY V. ARAGON)

(Naipablaak iti Oktubre 16-31, 2020 a bilang. Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti 

Press Reader: https://bit.ly/2GjO1fK
Magzter: https://bit.ly/2HuG4EO

Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

Alvarez, umuna iti 6th Saniata Prize

Inyalat ni Johmar R. Alvarez ti Umuna a Gunggona ti 6th Saniata Prize Salip iti Daniw babaen ti daniwna a “Lollipop.” Premiado a mannaniw ken piksionista, tubo ti Ballesteros, Cagayan ngem agnaeden iti Ontario, Canada. Umawat daytoy iti premio a medalion, sertipiko ken kuarta a PhP2,500.00.

Inyalat met ni Delfin P. Dumayas ti Maikadua a Gunggona babaen ti daniwna nga “An-annong ti Maysa a Baglan.” Piksionista, mannaniw ken scripwriter iti radio, misionario ti The Church of Jesus Christ of Latter-Day Saints ni Dumaas. Tubo iti San Nicolas, Ilocos Norte. Umawat daytoy iti premio a sertipiko ken kuarta a PhP2,000.00.

Inyalat met Prodie Gar. Padios ti Maikatlo a Gunggona babaen ti daniwna nga “Ilado.” Nobelista, mannaniw, editor, translator, licensed reflexologist, ken self defense enthusiast ni PGP. Agtrabaho iti Red Deer Advocate, aginaldaw a pagiwarnak iti Central Alberta, Canada a pagnaedandan ken ti pamiliana. Umawat daytoy iti premio a sertipiko ken kuarta a PhP1,500.00.

Nagpaay a hurado da Bannawag Editor Cles B. Rambaud (pangulo), Daniel L. Nesperos (kameng), ken Ariel S. Tabag (kameng). (SP Secretariat)

(Naipablaak iti Oktubre 16-31, 2020 a bilang. Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com. Para iti digital a kopia, mapan iti 

Press Reader: https://bit.ly/2GjO1fK
Magzter: https://bit.ly/2HuG4EO

Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

OKTUBRE 16-31, 2020

SARITA

2 Krus ken Balangat ni Mario A. Ascueta, Jr.

8 Dadakkel a Mata iti Babassit a Tawa ni Lorenzo G. Tabin

NOBELA

10 Sangaaruy-oy a Batek (4) ni Teresita B. Tingonong-Ambalneg

14 Angkel Dok (25) ni Dionisio S. Bulong

20 Ti Puga (16) ni Norberto D. Bumanglag, Jr.

44 Gil-ayab (1) ni Arsenio T. Ramel, Jr.

DANIW

12 Metapora 101 ni Ria Rebolledo

23 Sika ken Siak: Naglapunosan ni Oswald A. Valente

43 Amo ni Roy V. Aragon

49 Ayat iti Panawen ti Corona ni Anna Liza Madayag Gaspar

63 Daniw a Para Ubbing ni Adoracion B. Madarang

SALAYSAY

24 Saan a Gagangay a Ruot ti Muras ni Virginia A. Duldulao, Ph.D.

28 Sinursuruak Dagiti Appokok nga Agdamili ni Zaldy Cudal

32 Sabali Laeng ti Basi ti Piddig ni Mario T. Tejada

54 Paksiaten ti Amarilio a Dangaw ni Reynaldo E. Andres

KOMIKS

36 Miks & Tiks

38 Dagiti Batekan (21) ni Ariel S. Tabag

KOLUM

4 Saludsodem ken ni Apo Hues

6 No Adda Sigsigloten, Adda Met Warwaren

18 Biag ni Ilokano

19 Kastoy, Kapid, Ditoy Hawaii

27 Okeyka, Apong

53 Dear Ikit

56 Ading Kosinera

57 Tips

PAGLINGLINGAYAN

60 Showbiz

63 Agkatawa ti Mayat

64 Sinniriban

64 Sapukas-2

64 Sudoku

DADDUMA PAY

16 Adda Latta Naasi a Tattao

17 Siled ti Kararag

23 Netizone

31 Tao, Lugar, Pasamak

48 Idi Un-unana a Panawen

50 Ti Tarakenmo ken Sika

58 Ammuem Pay Dagitoy

59 Ti Gasatmo

62 Manipud iti Social Media

(Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com.

Para iti digital a kopia, mapan iti MAGZTER wenno PRESS READER ket sapulen ti Bannawag.

Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

Naayat iti Bonsai

NAAYAT ITI BONSAI. Ni Rev. Reymond P. Sobrepena, North Central Pangasinan District (NCPD) Growth Director ti Wesleyan Church of the Philippines, bayat ti panangpukisna kadagiti bonsaina iti sango ti pagnaedanda a balay iti Brgy. Sagunto, Sison, Pangasinan a destinona. Taga-Cabarroguis, Quirino ken Cuenca, Pugo, La Union dagiti dadakkelna. Maikatlo  pay laeng a tawenna nga agbonbonsai, kinuna ni Pastor Reymond, 30, a napintas nga stress reliever ti panagbonsai. Malaksid iti daytoy, napintas pay a panguartaan. Itay napan a tawen, nakalako iti sangapulo a bonsai a bougainvillea a sag-P10,000 ti maysa iti maysa a negosiante a taga-Siudad ti Urdaneta. Ni Pastor Reymond ti nangbuangay ken administrador ti Ilokano Bonsai Lovers (IBL) group iti Facebook. Ni dati a Gleness F. Apias ti Brgy. Labayug, Sison, Pangasinan, maysa a mannursuro, ti kaingungotna. (Teksto ken rinetrato ni VIRGILIO D. DOMALOY)

(Naipablaak iti Bannawag iti Oktubre 1-15, 2020 a bilang.

Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com.

Para iti digital a kopia, mapan iti MAGZTER wenno PRESS READER ket sapulen ti Bannawag.

Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

Dacuag, Umuna iti salip iti Daniw ti 3rd Gabriela Prize

Indauluan ni Pearl Lovedyn A. Dacuag ti Union, Gamu, Isabela dagiti nangabak iti Salip iti Daniw ti Maikatlo a Gabriela Prize/Premio Gabriela (2020). 

Iti 31 a daniw a naisalip, ti daniw ni Pearl a “Darudar” ti nakagun-od iti Umuna a Gunggona. Nagturpos iti B.A. Communication iti UP Baguio, nagtrabaho ni PLAD iti Bombo Radyo Philippines iti agarup 10 a tawen ken iti agdama, agpapaay iti Department of Agriculture (DA)-Region I iti San Fernando City, La Union. Fellow iti Daniw iti 3rd Pasnaan Literary Worshop ti GUMIL Filipinas idi 2012. 

Ni Oswald A. Valente ti Comcomloong, Currimao, Ilocos Norte ti nangyalat iti Maikadua a Gunggona babaen ti daniwna a “Sika ken Siak: Naglapunosan.” Premiado a mannaniw ken maysa a mannalon, nagpaay pay ni OAV a kapitan ti barangay iti lugarda, ken preacher, teacher, exorter iti nakaikappenganna a pammati. 

Ti Maikatlo a Gunggona, inyalat ni Daniel L. Nesperos ti San Lorenzo, San Nicolas, Ilocos Norte, babaen ti daniwna nga “Asin.” Premiado a mannaniw ken piksionista ni DLN, autor ti Anglem, koleksion dagiti daniw. Agpapay iti agdama a sekretario ti barangayda ken maysa kadagiti learning resource reviewer/editor dagiti libro nga Ilokano ti Department of Education (DepEd). 

Nairaman a kas finalist dagiti daniw a “Dallot ti Iliw ken Saan a Napakpakadaan nga Idadanon” ni Deo M. Ramos ti Bangued, Abra; “Sapsapulek Daydi Banglom” ni Rodel Ringor Estacio ti Rosario, La Union, ken “Tedted ti Linnaaw” ni Marites Viesca Roque ti Tuao, Cagayan. 

Dagiti nagpaay a hurado: Dr. Sonja Albano Chan, mannaniw iti Ilokano ken Ingles, propesora iti literatura, linguistics, ken foreign languages iti nadumaduma nga unibersidad iti Baguio City, ken autor ti Listen Dear Heart/ Umarasaas ‘Tay Rikna a nakaurnongan dagiti daniwna; 

Hermilinda T. Lingbaoan-Bulong, mannaniw, mannalaysay, piksionista iti Ilokano, Tagalog, ken Ingles, kakaisuna a babai a nagbalin a kameng ti editorial ti Bannawag, pinadayawan ti Unyon ng mga Manunulat sa Pilipinas (UMPIL) iti Gawad Pambansang Alagad ni Balagtas for Ilokano Fiction idi 2016, autor ti nailibro a nobela a Kalinawa, ken editor ita iti UP Press; 

ken Ria Rebolledo, mannaniw iti Ilokano ken Ingles, piksionista, autor ti Tagidpuan a chapbook ti dandaniw, ken writer/editor dagiti learning materials iti maysa a Korean online tutorial academy iti Baguio City. 

Ti Imnas & Iway Publications, maysa nga independiente nga small press nga agiprodprodius ken agipabpablaak kadagiti zine, chapbook, ken libro nga Ilokano, ti mangtartarawidwid iti Gabriela Prize wenno Premio Gabriela. (RVA)

(Naipablaak iti Bannawag iti Oktubre 1-15, 2020 a bilang.

Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com.

Para iti digital a kopia, mapan iti MAGZTER wenno PRESS READER ket sapulen ti Bannawag.

Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)

OKTUBRE 1-15, 2020

LINAONNA

SARITA 
2 Naim-imbag Laengen    Ngem ‘Diay Awan   ni Remedios S. Tabelisma-Aguillon 
8 Kas iti Napanayag a Tay-ak   ni Conrado E. Camacho

NOBELA 
10 Sangaaruy-oy a Batek (3)  ni Teresita B. Tingonong-Ambalneg 
14 Angkel Dok (24)  ni Dionisio S. Bulong 
20 Ti Puga (15)  ni Norberto D. Bumanglag, Jr.

DANIW 
12 Darudar ni Pearl Lovedyn A. Dacuag 
16 Alimuteng ni Oswald A. Valente 
30 Pantok ni Jobert M. Pacnis 
35 Dinakto Malipatan ni Fernando B. Sanchez 
63 Daniw a Para Ubbing ni Marlyn Garcia-Del Rosario

SALAYSAY 
24 Ti Nalugi a Negosio iti Ice Cream ni Estela A. Bisquera-Guerrero 
32 Ania ti Nagbanagan ti National Greening Program ti Gobierno? ni Felix M. Eslava, Jr. 
54 Adu ti Maited ti Baranibud a Pagsayaatan ti Salun-at ni Reynaldo E. Andres

KOMIKS 
36 Miks & Tiks 
38 Dagiti Batekan (20) ni Ariel S. Tabag 
43 Ickaryz (24) ni Hilario A. Espiritu, Jr.

KOLUM 
4 Saludsodem ken ni Apo Hues 
6 No Adda Sigsigloten, Adda Met Warwaren 
18 Biag ni Ilokano 
19 Kastoy, Kapid, Ditoy Hawaii 
23 Dear Doc 
29 Okeyka, Apong 
53 Dear Ikit 
56 Ading Kosinera 
57 Tips

PAGLINGLINGAYAN 
60 Showbiz 
63 Agkatawa ti Mayat 
64 Sinniriban 
64 Sapukas-2 
64 Sudoku

DADDUMA PAY 
17 Siled ti Kararag 
23 Netizone 
26 Ti Padas a Diakto Malipatan 
28 Idi Un-unana a Panawen 
31 Tao, Lugar, Pasamak 
49 Balaynan, Eskuelanan 
50 Ti Tarakenmo ken Sika 
51 Panangimaton iti Pagtaengan 
58 Ammuem Pay Dagitoy 
59 Ti Gasatmo 
62 Manipud iti Social Media

(Para kadagiti kayatna ti ag-subscribe iti kopia ti Bannawag, ag-email iti subscription.mb@gmail.com.
Para iti digital a kopia, mapan iti MAGZTER wenno PRESS READER ket sapulen ti Bannawag.
Laglagipenyo koma, kakailian, nga i-like daytoy FB Page ti Bannawag Magazine. Dios ti agngina.)