MAYO 9, 2016

SARITA
4 Kalgaw
   Roselyn C. Campano
14 Apong Pilo
     Jaime R. Luzano

NOBELA
8 Ti Bastardo (8)
   Norberto D. Bumanglag, Jr.
12 Ni Anti Maring ken ni Triple M (7)
     Estela Bisquera-Guerrero

DANIW
6 Politikag
    Ronnie E. Aguinaldo
21 Ay, Mayo Nuebe!
    Freddie Pa. Masuli
47 Daniw a Para Ubbing
     Emy Llapitan-Ines

SALAYSAY
22 Ania ti Masakbayan ti Panagtalon?
      Virginia A. Duldulao, Ph.D.
26 Nasamay Daytoy UMMB a Nayon a Taraon Dagiti Ayup
     Reynaldo E. Andres

KOMIKS
35 Kimar (24)
38 Gayang ni Lam-ang (134)
41 Miks & Tiks

KOLUM
10 Saludsodem ken ni Apo Hues
17 Dear Doc
18 Okeyka, Apong
24 Padasem Daytoy, Kailian
28 Haytek!
30 Tips
31 Ading Kosinera
33 Kastoy, Kapid, Ditoy Hawaii

PAGLINGLINGAYAN
44 Showbiz
47 Agkatawa ti Mayat
48 Sinniriban
48 Sapukas
48 Sudoku

DADDUMA PAY
2 Ti Makunami
3 Tao, Lugar, Pasamak
9 Netizone
16 Biag ni Ilokano
19 Siled ti Kararag
20 Panagtaraken iti Goldfish iti Akuarium
29 Idi Un-unana a Panawen
32 Ammuem Pay Dagitoy
34 Tulong iti Panaglaba ken Panangpabanglo Kadagiti Kawes
43 Ti Gasatmo Ita a Lawas
46 Dagiti Pabula ni Aesop

Ti Accenture iti Currimao

TI ACCENTURE ITI CURRIMAO. Kas tulongna iti probinsia a a pagbibiaganna, inwayat itay nabiit ti nasurok a sangagasut nga empleado ti Accenture, maysa a kompania iti BPO (Business Processing Outsourcing) ti panagpidut kadagiti basura iti Pangil Rock Garden iti Currimao, Ilocos Norte. Iti laksid a maysa daytoy conservation area gapu iti kaadda dagiti naisalsalumina a rock formation ken nabiag a bonsai iti aglawlawna ken sanktuario pay dagiti ikan, adu latta met dagiti papaanawa a managpiknik a mangibati lattan kadagiti basurada. Malaksid iti coastal clean-up drive, nangibati pay ti nasao a kompania iti 21 a damili a pagbasuraan a natidtid a kawayan a takkabna wenno pagbasuraan a naaramid manipud kadagiti indigenous material. (Leilanie G. Adriano)


(Naipablaak iti Bannawag, Mayo 2, 2016 a bilang.)

Bakuna kontra dengue, natalged, kuna ti Palasio

Impanamnama ti Malakanyang a natalged ken nasamay ti bakuna a kontra iti dengue virus, a maigidiat kadagiti maibatbato a kritisismo kontra iti Vaccination Program ti Departamento ti Salun-at (DOH).

Narugian ti pannakabakuna dagiti agad-adal iti elementaria idi Marso ken daytoy ti umuna a bakuna a kontra iti dengue a nayam-ammo iti sangalubongan.

Kinuna ti Malakanyang, babaen ken ni Presidential Communications Secretary Herminio Coloma, Jr., a dakkel met ti akem dagiti doktor a Filipino iti panagsukisok ken pannakapataud ti nasao a bakuna ken nasurot dagiti kangatuan a pagrukodan iti sangalubongan sakbay a nairuar daytoy a bakuna tapno manamnama ti kinatalged ken kinasamayna.

Babaen met itoy a bakuna, manamnama ti pannakailiklik dagiti ubbing iti makapatay a dengue fever.

Iti sabali a bangir, kuna ti World Health Organization a mayayon iti rekomendasionna ti maiwaywayat a dengue vaccination program iti Filipinas.

Naglasat ti dengue vaccine, nga am-ammo a kas Dengvaxia, iti 20 a tawen a panagsukisok ken pannakapartuat ken maited laeng daytoy kadagiti ubbing nga agtawen iti 9 agingga kadagiti agkabannuag nga agtawen iti 45.


(Naipablaak iti Bannawag, Mayo 2, 2016 a bilang.)

MAYO 2, 2016

SARITA
4 Dagiti Agabirat
  Rolando A. Seguro, Jr.
14 Iti Sakaanan ti Batonlagip
  Gregorio T. Amano

NOBELA
8 Ni Anti Maring ken ni Triple M (6)
     Estela Bisquera-Guerrero
12 Ti Bastardo (5)
   Norberto D. Bumanglag, Jr.

DANIW
6 3 a Soneto
   Honor Blanco Cabie
47 Daniw a Para Ubbing
     Diana Sagario-Macalos

SALAYSAY
16 Kasano, Aya, ti Kinnapateg ti Pannaturog?
      Virginia A. Duldulao, Ph.D.
26 Planuem No Ania ti Imulam iti Arubayan
     Reynaldo E. Andres

KOMIKS
35 Kimar (23)
38 Gayang ni Lam-ang (133)
41 Miks & Tiks

KOLUM
19 Saludsodem ken ni Apo Hues
20 Dear Doc
23 Okeyka, Apong
24 Padasem Daytoy, Kailian
28 Haytek!
30 Tips
31 Ading Kosinera
33 Kastoy, Kapid, Ditoy Hawaii

PAGLINGLINGAYAN
44 Showbiz
47 Agkatawa ti Mayat
48 Sinniriban
48 Sapukas
48 Sudoku

DADDUMA PAY
2 Ti Makunami
9 Netizone
10 Tao, Lugar, Pasamak
18 Biag ni Ilokano
21 Siled ti Kararag
22 Ania nga Aso ti Kasayaatan a Taraknem?
29 Idi Un-unana a Panawen
32 Ammuem Pay Dagitoy
34 Panangimaton iti Pagtaengan
43 Ti Gasatmo Ita a Lawas
46 Dagiti Pabula ni Aesop

'Asin, Asin, Pagpalukmeg iti Pingping!'

'ASIN, ASIN, PAGPALUKMEG ITI PINGPING!' Nupay nalatak ti Pangasinan kadagiti agsangagasut nga islana, ti asin ti maysa kadagiti kangrunaan a pagsadsadagan ti lokal nga ekonomiana, nangruna iti Dasol, Pangasinan. Iti Filipinas, dagus a malagipmo ti asin no mangngegmo ti Pangasinan a kayatna a sawen, lugar a pagaramidan iti asin wenno lugar ti asin. Ti industria ti asin ti nangipasngay iti Asin Festival ti probinsia nga ad-adda a nangpapigsa iti maganar ti lokalidad babaen ti turismo. Malaksid i asin, produkto pay ti Pangasinan ti aramang ken bugguong. Iti ladawan, tultulongan daytoy nga ubing dagiti nagannak kenkuana iti panagani iti asin iti nasao nga ili. Saan a maibilang daytoy a ‘child labor’ no di ket panangipakita kadagiti napintas a galad dagiti ubbing iti Pangasinan: ti panagsursuroda a mangibaklay iti pagrebbengan uray ubbingda pay. (Rey Joel Guerrero)


(Naipablaak iti Bannawag, Abril 25, 2016 a bilang.)

Kangatuan a pammadayaw ti GUMIL Filipinas, maipaay kada Rochina ken Duldulao

Rochina

 Maipaay kada Appo Martin T. Rochina ken Virginia A. Duldulao ti kangatuan a pammadayaw manipud iti GUMIL Filipinas, ti gunglo dagiti mannurat nga Ilokano iti ballasiw-taaw, bayat ti nailian a kombension ti gunglo a maangay iti Apayao itoy nga Abril 22-24, kas impakaammo ti presidente ti gunglo, ni Apo Arthur P. Urata.

Dagitoy a pammadayaw— ti Pedro Bucaneg Award ken ti Leona Florentino Award— ti kangatuan a pammadayaw a maited ti gunglo kadagiti mannurat iti Ilokano a nakaipaay iti naisangsangayan a gapuanan— sinurat ken tignay— a nakatulong iti pannakasaluad ken pannakapadur-as ti Literatura Ilokana.

Maipaay ken ni Rochina, tubo iti Ilocos Sur, ti Pedro Bucaneg Award “gapu kadagiti nobela, sarita ken daniwna a pakaanninawan ti naiduma a panaglagana kadagiti balikas ken iti panagbalinna a timek dagiti gagangay a kameng ti gimong babaen dagiti pinarsuana a karakter a pakairamanan ni Ciano Bassit ken kadagiti pinarnuayna a lugar a pakairamanan ti Bussawit.”

Duldulao

Maipaay met ken ni Duldulao, tubo iti Ilocos Norte, ti Leona Florentino Award, “gapu kadagiti nobela ken saritana a napatak a nakayuritan, saan laeng a ti pagwadan nga akem ti babai iti bukodna a pamilia, no di pay ket ti di marubsi a pammatina iti kaadda ti bileg dagiti babbai ken iti panangaramatda koma iti daytoy a bileg a tumulong iti pannakapadur-as ti ania man a tay-ak a pinilida a pakigamuluan.”

Naadaw iti nagan ni Pedro Bucaneg, ti mabigbig nga Ama ti Literatura Ilokana, ti Pedro Bucaneg Award, kas pangtaginayon met iti lagip daytoy mabigbig a nangsurat iti “Biag ni Lam-ang” nga epiko dagiti Ilokano, idinto a ti Leona Florentino Award, naadaw met iti nagan ni Leona Florentino, kas pangtaginayon met iti lagip daytoy babai a mannaniw a tubo iti Vigan, Ilocos Sur ken mabigbig a “Sappho ti Filipinas.” Ni Sappho ti kalatakan kadagiti mannaniw a babbai iti nagkauna a Gresia.

Kabayatanna, ti Dap-ayan 2016 wenno maika-48 a nailian a kombension dagiti mannurat nga Ilokano ket ilungalong ti GUMIL Filipinas kas pangrambak iti Bulan ti Literatura nga Ilokano ken Nailian a Bulan ti Literatura iti pannakitinnulong ti National Commission for Culture and the Arts, Gobierno Probinsial ti Apayao ken iti panangsangaili ti GUMIL Apayao chapter. (GF Secretariat)

(Naipablaak iti Bannawag, Abril 25, 2016 a bilang.)

Nesperos, Umuna iti 2nd Saniata Prize

Nesperos

Inyalat ni Daniel L. Nesperos ti San Nicolas, Ilocos Norte, ti Umuna a Gunggona iti Salip iti Daniw ti 2nd Saniata Prize babaen ti daniwna nga “Aguy-uyekka Manen, Piman.” Maipaayan ni Nesperos iti PhP2,000 a premio a kuarta ken tallo a libro nga Ilokano ken medalia ken sertipiko.

Ni met Ria Rebolledo ti Baguio City ti nakagun-od iti Maikadua a Gunggona babaen ti daniwna a “Ti Kompositor Dagiti Kansion ti Tudo.” Maipaayan ni Rebolledo iti PhP1,200 a premio a kuarta ken dua a libro nga Ilokano ken sertipiko.

Inyalat met ni Delfin P. Dumayas ti San Nicolas, Ilocos Norte ti Maikatlo a Gunggona babaen ti daniwna a “Limdo.” Maipaayan met iti PhP1,000 a premio a kuarta, maysa a libro nga Ilokano, ken sertipiko.

Mayawat dagiti premio bayat ti Dap-ayan 2016, ti kombension dagiti mannurat nga Ilokano, inton Abril 22-24, 2016 idiay Apayao Agri Eco-Tourism & Sports Complex, Payanan, San Gregorio, Luna, Apayao.

Ti Saniata Prize ket tinawen a Salip iti Daniw nga esponsoran ti Saniata Publications nga imatonan ni Norielyn Cullar-Tabag ken ti pamiliana.

Nagpaay a hurado da Cles B. Rambaud, Roy Vadil Aragon ken Ariel S. Tabag.


(Naipablaak iti Bannawag, Abril 25, 2016 a bilang.)

Berroy, Umuna iti Maikalima a Pasalip Alviya

Berroy

Ni Rhea Rose D. Berroy, tubo iti Manabo, Abra, ti nangabak iti Umuna a Gunggona iti Maikalima a Pasalip ALVIYA iti  Sarita babaen ti saritana a “Maria Clara.” Maysa kameng ti tribu dagiti Muyadan, nangrugi a nagsursurat ni Berroy kadagiti daniw iti Ingles ken Ilokano idi 2013. Agsursurat pay iti lengguahena nga Itneg. Nangabaken iti AMMAFLA ken Palanca. Nagturpos iti Unibersidad ti Santo Tomas, Manila ken maysa a lisensiado a Medical Technologist.

Kadua ni Berroy a nangabak da:

Jobert M. Pacnis, Maikadua a Gunggona para iti saritana a “Pagtaengan.” Maysa nga inheniero ken maestro; mangisursuro ita iti Aparri West National HS.

Danilo Antalan, Maikatlo a Gunggona iti saritana a “Kapipintasan”. Nakasuraten iti pinullo a sarita pakairamanan ti sangapulo a sarita a nangabak iti Umuna a Gunggona. Adama a reporter ken announcer iti DZTP Radio Tirad Pass iti Candon City.

Arnold Pascual Jose, Umuna a Pangliwliwa a Gunggona para iti saritana a “Lakay Moses.” Maysa a Fellow iti 29th UP National Writers Workshop, Baguio City, idi Abril 1997. Naminduan a nangabak iti Palanca Awards (2001 ken 2006). Tubo iti Bacsil Norte, Siudad ti Laoag.

Daniel L. Nesperos, Maikadua a Pangliwliwa a Gunggona babaen ti saritana a “Ni Naranghado, ni Barbie ken ni Imee Danica.” Tubo iti Brgy. 19, San Lorenzo, San Nicolas, Ilocos Norte. Fellow iti Daniw iti Ilokano iti UP National Writers Workshop idi 1996.

Eden Cachola-Bulong, Maikatlo a Pangliwliwa a Gunggona para iti saritana nga “Ama Olding Dos”. Maysa a retirado a Master Teacher iti Francisco Benitez Elementary School, Tondo, Manila. Agpapaay a Tesorera ti GUMIL Filipinas.

Mapadayawanto dagiti nangabak bayat ti 48th GF National Convention a maangay iti Luna, Apayao itoy nga Abril 22-24, 2016.

Tinawen nga esponsoran ni Alex Vicente Yadao, agnaeden iti New York, USA, ti Pasalip ALVIYA iti Sarita, ken imatonan met ni Dr. Freddie P. Masuli iti Cagayan State University, Sanchez Mira.

Nagserbi a hurado da Cles B. Rambaud, Joel B. Manuel ken John B. Buhay.

(Naipablaak iti Bannawag, Abril 25, 2016 a bilang.)

APRIL 25 2016

SARITA
4 Myrna
   Arnold C. Baxa
14 Demonstrasion
    Rodolfo E. Andres

NOBELA
8 Ti Bastardo (4)
   Norberto D. Bumanglag, Jr.
12 Ni Anti Maring ken ni Triple M (5)
     Estela Bisquera-Guerrero

DANIW
6 Pananglikaw iti Lubong
   Mighty C. Rasing
18 Nasarakak Manen ti Pusok
   Amado I. Yoro
23 Rabiin, Biagko
    Leonardo Tejano
28 Kordiliera: Tallo a Daniw
    Ria Rebolledo
47 Daniw a Para Ubbing

SALAYSAY
26 Tapno Umadu ti Gatas ti Dairy a Baka
     Reynaldo E. Andres

KOMIKS
35 Kimar (22)
38 Gayang ni Lam-ang (132)
41 Miks & Tiks

KOLUM
10 Dear Doc
17 Saludsodem ken ni Apo Hues
19 Okeyka, Apong
24 Padasem Daytoy, Kailian
30 Tips
31 Ading Kosinera
33 Kastoy, Kapid, Ditoy Hawaii

PAGLINGLINGAYAN
44 Showbiz
47 Agkatawa ti Mayat
48 Sinniriban
48 Sapukas
48 Sudoku

DADDUMA PAY
2 Ti Makunami
3 Tao, Lugar, Pasamak
9 Netizone
16 Biag ni Ilokano
20 Kasano ti Mangdisiplina iti Ubing a ‘Pasaway’?
21 Siled ti Kararag
22 Panangtaraken Kadagiti Pusa a “Senior Citizen”
29 Idi Un-unana a Panawen
32 Ammuem Pay Dagitoy
34 Panangimaton iti Pagtaengan
43 Ti Gasatmo Ita a Lawas
46 Dagiti Pabula ni Aesop

Iti Met Buguey...

ITI MET BUGUEY... Iti sentro ti ili ti Buguey, Cagayan, ilaslasinen dagitoy nga inna dagiti dadakkel ken kalalainganna ti kadadakkelna a lakoda a padaw. Nagaladgadan wenno nakalapan met dagitoy iti baybay ti Buguey, Cagayan, di unay adayo iti Gonzaga. Agpateg iti P500 ti sangakilo dagiti dadakkel idinto a P300 met dagiti kakalainganna ti kadadakkel. Dagiti met babassit, mailaklako iti P50-P100 ti sangakilo. (Dexter M. Fabito)

(Naipablaak iti Bannawag, Abril 18, 2016 a bilang.)

Intayon Aggaladgad

INTAYON AGGALADGAD! Sumalogen dagitoy a mangngalap ti Caroan, Gonzaga, Cagayan tapno mapanda aggaladgad iti taaw. Masansan a mapanda sakbay a lumnek ti init. Agpatnagda iti taaw ket parbangonen no agawidda. Pasayan a burik wenno akay ken padaw ti kaaduan a mal-alada. Mailako ti pasayan iti P100 ti sangakilo; mailako met ti padaw iti P450 ti sangakilo. Dakkel a tulong ti masapulanda iti agpatnag tapno masustentuanda ti pamiliada. (Roselyn C. Campano)

(Naipablaak iti Bannawag, Abril 18, 2016 a bilang.)

Materiales a pagbalay, nguminngina

Nguminngina ti presio dagiti materiales a para iti konstruksion gapu iti dumakdakkel a panagkasapulan, kas imbunga ti pannakayimplimentar dagiti dadakkel a proyekto iti impraestruktura ti gobierno ken ti umad-adu a balay ken kondominium a bangbangonen ti sektor pribado.

Itay Abril 10, iti maikadua a gundaway, impangina dagiti agar-aramid iti semento ti produktoda, kas iti panangipangina ti Cemex, ti kadakkelan a kompania ti semento iti pagilian, iti P10 ti sangasupot a semento. Gapu itoy, ti dati a P217 a presio ti sangasupot a Cemex, nagbalinen a P227.

Sakbayna, idi Pebrero itoy met laeng a tawen, impangina dagiti agar-aramid iti semento ti produktoda iti sumurok-kumurang nga P6 ti sangasupot.

Malaksid iti semento, ngimmina ti presio dagiti landok iti 20 a porsiento, nangrugi met idi Pebrero itoy a tawen.

Kuna ti Cement Manufacturers Association of the Philippines a dumakdakkel ti panagkasapulan iti semento gapu iti irarang-ay ti indusria ti konstruksion iti pagilian.


(Naipablaak iti Bannawag, Abril 18, 2016 a bilang.)

Walo a libro nga Ilokano, mayalnag iti Dap-ayan 2016

Walo a libro nga Ilokano ti mayalnag iti daytoy Abril 22, 2016 kabayatan ti umuna nga aldaw ti Dap-ayan 2016: ti Maika-48 a Nailan a Kombension Dagiti Mannurat nga Ilokano a pakairamanan ti dua a libro nga impablaak ti Tagnawa Series ti GUMIL Filipinas.

Dagiti libro a mayalnag:

Antolohia Dagiti Sarita nga Ilokano a naikapalaonan ti 25 a sarita; Antolohia Dagiti Daniw ni Ayat a buklen dagiti daniw ti 25 a mannaniw nga Ilokano; Miks & Tiks, umuna a koleksion dagiti kapipintasan a bilang ti nasao a komiks a sinurat ni Cles B. Rambaud ken inladawan ni Rudy Villanueva; Makasuratka Met iti Daniw a Para Ubbing Kas Maibatay iti Kurikulum, tips maipapan iti panagsurat iti daniw a para ubbing ni Johmar R. Alvarez;

Panangarakup iti Ipus ti Layap ken Dadduma Pay a Daniw, koleksion dagiti dandaniw ni Ariel S. Tabag; Rissik, koleksion dagiti daniw ni Elizabeth Madarang-Raquel; Tagapulot ti Diosen ken Dadduma Pay a Sarita, koleksion dagiti sarita ni Joel B. Manuel; ken Ti Karamba ni Insiang and Other Stories, koleksion dagiti sarita ni Jose P. Urata, Sr.

Maangay ti nasao a Dap-ayan 2016 iti Apayao Agri Eco-Tourism & Sports Complex, Payanan, San Gregorio, Luna, Apayao iti panangilungalong ti GUMIL Filipinas iti pannakitinnulong ti National Commission for Culture and the Arts ken iti panangsangaili ti GUMIL Apayao nga idauluan ni Apayao Board Member Remy N. Albano.

Kadagiti interesado a dumar-ay, makiuman iti 0928 607 3972 wenno iti facebook.com/events ti Dap-ayan 2016.

Kadagiti met interesado a maaddaan kadagiti libro a nadakamat iti ngato, makiuman iti 0921 602 1938. (GF Secretariat)


(Naipablaak iti Bannawag, Abril 18, 2016 a bilang.)

ABRIL 18, 2016

SARITA
4 Apong Lubing
   Ronnie E. Aguinaldo
14 Umang-anges a Daga
    Reynaldo A. Duque

NOBELA
8 Ni Anti Maring ken ni Triple M (4)
     Estela Bisquera-Guerrero
12 Ti Bastardo (3)
      Norberto D. Bumanglag, Jr.

DANIW
6 Igaaw ken Ugaw
   Johmar R. Alvarez
20 Indayon
    Cles B. Rambaud
47 Daniw a Para Ubbing
    Wendelyn P. Castaneda

SALAYSAY
16 Awan Apuyen ni Mannalon?
      Neyo Mario E. Valdez
26 Komusta ti Raniag a Barayti ti Patatas a Parnuay ti MMSU?
     Reynaldo E. Andres

KOMIKS
35 Kimar (21)
38 Gayang ni Lam-ang (131)
41 Miks & Tiks

KOLUM
19 Saludsodem ken ni Apo Hues
23 Haytek!
24 Padasem Daytoy, Kailian
28 Okeyka, Apong
30 Tips
31 Ading Kosinera
33 Kastoy, Kapid, Ditoy Hawaii

PAGLINGLINGAYAN
44 Showbiz
47 Agkatawa ti Mayat
48 Sinniriban
48 Sapukas
48 Sudoku

DADDUMA PAY
 2 Ti Makunami
9 Netizone
10 Tao, Lugar, Pasamak
18 Biag ni Ilokano
21 Siled ti Kararag
22 No Mangisangpetka iti Pusa Wenno Aso
29 Idi Un-unana a Panawen
32 Ammuem Pay Dagitoy
34 Kasla Siam ti Biag ti Plastik
43 Ti Gasatmo Ita a Lawas
46 Dagiti Pabula ni Aesop

Aramang ti Buguey

ARAMANG TI BUGUEY. Ibilbilag ni Nana Lilia Iriniego ti Brgy. San Antonio, Buguey, Cagayan dagiti sadiwa a babassit nga aramang iti kongkreto nga alad iti igid ti Buguey Lagoon. Makita ti dakkel a rangtay iti asideg. Segun ken Nana Lilia, naala dagiti aramang iti baybay ti nasao nga ili. Ilaklakona kano dagiti daing nga aramang iti P60 ti  sangasalup. (Dexter Marin Fabito)

(Naipablaak iti Bannawag, Abril 11, 2016 a bilang.)

Umad-adu a Filipino ti mangayat nga agtrabaho iti bukodda a pagilian

Maysa a nabiit pay a naisayangkat a panagadal ti agkuna nga umad-adu a Filipino ti kaykayatna pay laeng ti agtrabaho iti bukodna a lugar ngem ti mapan iti ballasiw-taaw.

Insayangkat ti Department of Labor and Emloyment (DOLE) ti nasao a panagadal iti pannakitinnulong ti job search website, JobStreet.com. Iti nasao a panagadal, tallo iti uppat kadagiti 31,000 a napagsaludsodan iti sapasap a pagilian ti nagkuna a kaykayatda ti agtrabaho iti bukodda a lugar ngem ti mapan pay laeng agtrabaho iti sabali a lugar.

Mairaman kadagiti rason no apay a kaykayatda ti agtrabaho iti bukodda a lugar ti kaadda sadiay ti pamilia ken gagayyemda, ti aglawlaw nga ayan ti trabahoda, ti saanda a pannakaikawa iti kultura, ken ti balansiado nga oras a kaadda iti trabaho ken ti kaaddada iti sidong ti pamiliada.

Kinuna ni JobStreet.com Philippines Country Manager Philip Gioca a daytoy a kapanunotan, ad-adda ketdi a makita kadagiti nataenganen a mangmangged.

“Dagiti nataengan, nakaadal ken namsek iti padas ti ad-adda a mangpili iti bukodda a lugar a pagtrabahuan,” kinuna ni Gioca.

Agtawen met manipud 15 agingga iti 55 dagiti napagsaludsodan ken graduadoda iti high school no di man addaanda payen iti masteral ken doctoral degrees.

Iti sabali a bangir, ti nabati met a 25 porsiento dagiti napagsaludsodan, kunada a kaykayatda ti rummuar gapu iti kinababa ti sueldoda iti agdama a pagtrabahuanda.

Kinuna ni Labor and Employment Secretary Rosalinda Baldoz a ti kaudian a surbey, ipakitana laeng nga addan simmayaatan ti kasasaad ti pagtrabahuan iti pagilian.

“Mayayon daytoy iti panggep ti gobierno a mangipaay iti pagtrabahuan kadagiti mangmanggedtayo ta akuentayo man wenno saan, dakkel ti epektona iti gimong ken pamilia ti ipapanaw dagiti kakailiantayo tapno manggedda iti ballasiw-taaw,” innayon ni Baldoz.

(Naipablaak iti Bannawag, Abril 11, 2016 a bilang.)

Makaay-ayat Dagitoy nga Ubbing

MAKAAY-AYAT DAGITOY NGA UBBING a mangbilbilang kadagiti kaisang-at ket agkulkulagtit pay laeng a kurilaw, karpa, risek ken tilapia a nakalapan babaen ti sigay ken pana da lolo, tatang ken angkelda iti ban-aw ti Karayan Apayao a batog ti Pugo (sigud a Barangay San Antonio) iti Pudtol, Apayao. Madlaw a nalames pay laeng ti ban-aw ket tunggal madanon iti kalgaw aglalo kadagiti bulan iti Marso ken Abril, gundawayan metten ti tunggal pamilia ti sumalog iti bangkag ket paglalanglanganda ti ania man a maidasar a masida iti igid ti karayan. (Leilanie G. Adriano)


(Naipablaak iti Bannawag, Abril 11, 2016 a bilang.)

25 a Sarita iti Maika-5 a Pasalip ALVIYA

Agdagup iti 25 a sarita ti naawat ti Secretariat a para iti Pasalip ALVIYA  ita a tawen.

Dagiti sarita agraman parbo a nagan dagiti nakisalip:

“Adigi" ni Piscean Chi, "Alad Dagiti Pannubok" ni Awanparbo A. Naganna, “Ama Olding Dos” ni Halimuyak Santos, “Arimegmeg” ni Black Sand, “Avalanche” ni Akeldama II, “Contractual” ni Tano Gadul, “Dagiti Tubero” ni Leggak T. Sinamar, “Dagiti Istorya ni Lolo Goyong” ni Kuadro Alas, “Desaparecidos” ni Juan Makabayan, “Durian” ni Rosal A. Nabanglo, “FF” ni Angela Dela Guardia, “Kapipintasan” ni Aribai;

“Kinadatdatlag Idiay Bantay Balangat” ni Rigay T. Abuyo, “Kristo” niMonson J. Utah, “Kur-it” ni Core Eat, “Lakay Moses” ni Time Bandit, “Lima nga Arikap Dagiti Ramay a Nasikap” ni Warlito Guerrero, “Maria Clara” ni Inay Sinti, “Ni Naranghado, ni Barbie ken ni Imee Danica” ni Paspasarak, “Pagtaengan” ni Jay B, “Pamulinawen” ni Leonarda DeCapre II, “Pasintawi ti Bibilan ken Dadapilan” ni An-anabo T. Padsan, “Pugak” ni Ar-ar Aguirez, “Sari-Sari Store” ni Tercero Generacion, ken “Ti Lubong ni Cassandra” ni Yesung.

Mapadayawanto dagiti nangabak a mannurat inton Abril 22, 2016 bayat ti  Dap-ayan 2016: ti Maika-48 a Nailian a Kombension ti GUMIL Filpinas iti Apayao Agri Eco-Tourism & Sports Complex, Payanan, San Gregorio, Luna, Apayao.

Ti Pasalip ALVIYA ket es-esponsoran ni Alex Vicente Yadao ti Libertad, Abulug, Cagayan ngem agnaeden sadiay New York City. Imatonan met daytoy ni Dr. Freddie P. Masuli, Presidente ti GUMIL Cagayan ken empleado ti Cagayan State University a tubo met laeng iti Libertad, Abulug, Cagayan.

(Naipablaak iti Bannawag, Abril 11, 2016 a bilang.)

ABRIL 11, 2016

SARITA
4 Bunggalo
   Aileen R. Rambaud
14 Bay-am a Yebkas Dagiti Sabong
   Pacifico D. Doles

NOBELA
 8 Ti Bastardo (2)
      Norberto D. Bumanglag, Jr.
12 Ni Anti Maring ken ni Triple M (3)
     Estela Bisquera-Guerrero

DANIW
6 Panagamiris
   Alegria Tan-Visaya
47 Daniw a Para Ubbing
     Marlyn G. Del Rosario

SALAYSAY
22 Ni John Lei ti ‘Hydroponics King’ ti Batac
      Leilanie G. Adriano
26 Dagiti Pagimbagan ti EMAS iti Kulongan Dagiti Manok
     Reynaldo E. Andres

KOMIKS
35 Kimar (20)
38 Gayang ni Lam-ang (130)
41 Miks & Tiks

KOLUM
10 Saludsodem ken ni Apo Hues
17 Dear Doc
21 Haytek!
24 Padasem Daytoy, Kailian
28 Okeyka, Apong
30 Tips
31 Ading Kosinera
33 Kastoy, Kapid, Ditoy Hawaii

PAGLINGLINGAYAN
44 Showbiz
47 Agkatawa ti Mayat
48 Sinniriban
48 Sapukas
48 Sudoku

DADDUMA PAY
 2 Ti Makunami
3 Tao, Lugar, Pasamak
9 Netizone
16 Biag ni Ilokano
18 Dangla: Ti ‘Wonder Drug’ iti Arubayanmi
19 Siled ti Kararag
20 Mapaggayyemmo Met Da Pusa ken Aso
29 Idi Un-unana a Panawen
32 Ammuem Pay Dagitoy
34 Awan ti Ubing Pay iti Aramid iti Balay
43 Ti Gasatmo Ita a Lawas
46 Dagiti Pabula ni Aesop